D` schwäbische Hausfrau
…..oder D´r Piätischt J
Schaffa, schaffa Rädle dreha,
ond et noch de Mädle seha,
laufa, schnaufa ond ganz betreta,
goht`s dann au a mol zom beta.
----------------------------------
Beta, beta bloß ganz schnell,
weil e au no wäscha soll.
Putza, backa ond dia Kender,
fordret oin jo au et mender.
----------------------------------
Ond am Sonndich`s `s isch mr zviel,
E au no en dui Kerch nei will.
Weil do `d Leut send ond dr Pfarrer au,
sott mr sich halt seha lau.
----------------------------------
Kaum hot mr s´erschte Liad no gsonga,
kommt au schau d`r Pfarrer gschpronga.
On er sait ganz Salbungsvoll,
wia m`r sich verhalta soll.
---------------------------------------
Kaum schtoht er no uff d`r Kanzel,
schloft `r scho mei Mo d`r Hansel.
Sei Kopf der goht am hin ond her,
„wenn i no schao wiader dussa wär“
------------------------------------------
Endlich kommt d`r Kirchachor,
ond mei Hansel schnarcht na scho was vor.
Jetzt wenn se sengat ond kommat et nuff,
no wacht `r au schao glei dro uff.
------------------------------------------
S´Liad war schee ond au wenig kromm,
doch ijeazt kommt des worom e komm.
D`r Pfarrer seine händ erhoba hot,
ond gibt mir d`r Sega vo meim liaba Gott.
-------------------------------------------------
Dean ko e braucha füar dia Woch,
beim butza, backa ond au wenn e koch.
Was d`r Pfarrer so sait verschtand e et emmer,
doch ohne Sega schaff i des nia on nemmer.
------------------------------------------------------------
„ Drom lassat`s euch saga, ganz gleich wer de bisch.
Dia Krone der Schöpfung isch ond bleibt d`r PIÄTISCHT“ J
Text
Reinhard Thoma „Lieder ohne Noten“ 30.08.2007